झापा । झापाको बिर्तामोड नगरपालिका-५ को पञ्चकन्या चोकबाट प्रहरीले ब्राउनसुगरसहित एक युवकलाई पक्राउ गरेको छ। अस्थायी प्रहरी पोष्ट नयाँ बस पार्कबाट खटिएको प्रहरी टोलीले २४ वर्षीय सुनिल लिम्बूलाई मंगलबार साँझ पक्राउ गरेको हो।
उनको साथबाट २९ ग्राम ब्राउन सुगर, नगद दुई हजार र दुई थान मोबाइल बरामद गरिएको प्रहरीले जनाएको छ। इलाका प्रहरी कार्यालय अनारमनी झापामा राखेर उनीविरुद्ध अनुसन्धान प्रक्रिया अगाडि बढाएको जिल्ला प्रहरी कार्यालय झापाका प्रवक्ता वसन्त पाठकले जानकारी दिए।
उनका अनुसार प्रहरीले अनुसन्धानका लागि बुधबार जिल्ला अदालत झापाबाट म्याद थप अनुमति लिएको छ।
