झापा । झापाको बिर्तामोड नगरपालिका–५ स्थित क्षेत्रबाट लागू औषध ब्राउन सुगर सहित एक जनालाई प्रहरीले पक्राउ गरेको छ ।
इलाका प्रहरी कार्यालय अनारमनीबाट खटिएको प्रहरी टोलीले कात्तिक १ गते साँझ नियमित चेकजाँचको क्रममा पाँचथर जिल्ला हिलिहाङ गाउँपालिका–६ का ३५ वर्षीय डम्बरबहादुर मैनालीलाई नियन्त्रणमा लिएको हो ।
प्रहरीका अनुसार मैनालीको साथबाट १६ ग्राम ४५० मिलिग्राम ब्राउन सुगर फेला परेको थियो । बरामद गरिएको लागू औषधसहित मैनालीलाई नियन्त्रणमा लिएर थप अनुसन्धान भइरहेको इलाका प्रहरी कार्यालय अनारमनीले जनाएको छ ।
