पाँचथर– फिदिम नगरपालिका–७ रानीटारमा सम्पन्न भएको फुटवल प्रतियोगिताको उपाधी इलाम एफसी, इलामले जितेको छ । शनिवार सम्पन्न फाईलन खेलमा सुट एण्ड डेथमा ९–८ गोल अन्तरले पाँचथर फुटवल क्लब विरुद्ध इलामले जित निकालेको हो ।
निर्धारीत समयमा १–१ गोलको बराबरी भएपछि खेल टाईब्रेकरमा पुगेको थियो । सडन डेथमा पुगेपछिमात्र इलामले जित निकालेको हो ।
रोपाँई जात्रा तथा बालदिवसको अवसरमा प्रतियोतिताको आयोजना गरिएको थियो । फाईलन खेलमा पाँचथरले सुरुवाती अग्रता लिएको थियो । दोश्रो हाफमा इलामले गोल फर्काउदै १–१ गोलको बराबरी गरेको थियो ।
विजेता टिमले १ लाख १ हजार रुपैँया नगद र ट्रफि प्राप्त गरेको छ भने उपविजेता टिमले ५० हजार रुपैँया नगद र ट्रफिमा चित्त बुझाएको छ ।