फिदिम । मायालुमोड (साम्दिन)नवमिडाँडा सडक खण्डमा पार्किङ गरेर राखेको स्काभेटरमा अज्ञात समुहले तोडफोड गरेको छ । स्काभेटर  स्वच्छन्द कन्काई जेभि कम्पनिकाे रहेकाे बताइएकाे छ । उक्त कम्पनीले  मायालुमोड (साम्दिन)नवमिडाँडा सडक खण्डमा सडक पिच गर्ने  काम गरिरहेको  थियाे । उक्त खण्डको फिदिम नगरपालिका वडा नम्बर ६ राखेको स्काभेटरमा गए राति तोडफोड भएको थियो । तोडफोडबाट स्काभेटरको सबै सिसा फुटेको र भित्रको सामान तोडफोड भएको स्वच्छन्द कन्काई जेभि कम्पनीका ब्यवस्थापक डि बि लामाले जानकारि दिए । तोडफोड गर्नेकाे खाेजी भइरहेकाे  ,तोडफोड कसले र किन गर्‍यो भन्ने बिषयमा अनुसन्धान भइरहेको जिल्ला प्रहरी कार्यालय पाँचथरले जानकारी दिएको छ ।