पाँचथर । नेपाल पत्रकार महासंघ पाँचथर शाखाको आयोजनामा तीन दिने फोटो पत्रकारिता तालिम सम्पन्न भएको छ । बरिष्ठ फोटो पत्रकार चन्द्रशेखर कार्किले फोटो पत्रकारिता सम्बन्धी तालिम दिएका थिए । तालिम मिक्लाजुङ गाँउपालीकाको आर्थिक सहयोगमा सम्पन्न भएको थियो ।
महासंघले तालिम बर्षका रुपमा यो आर्थिक बर्षलाई लिए संगै गत महिना पनि क्षमता बिकास तालिम सम्पन्न गरेको थियो । तालिम पाँचथरका विभिन्न मिडिया हाउस संग सम्बन्धित २३ जना पत्रकारलाई तालिममा सहभागि गराइएको थिए । तालिममा सहभागीलाई अभ्यासपनी गराइएको थियो ।
तालिमको समापन समारोहमा बोल्दै पाँचथरका प्रमुख जिल्ला अधिकारी सुरेश न्यौपानेले पत्रकारको क्षमता विकासका लागि भईरहेका तालिमले आगामि दिन थप गुणस्तरीय सामाग्रि तयारी गर्न सहयोग पुग्ने बताएका थिए ।कार्यक्रममा नेपाल पत्रकार महासंघ १ नम्बर प्रदेशका उपाध्यक्ष लवदेव ढुङ्गानाले प्रदेश समितिमार्फत पनि तालिम लगायतका कार्यक्रम अघि बढाउने बताए ।
प्रशिक्षक चन्द्रशेखर कार्किले तीन दिनको तालिम निक्कै श्रृजनशिल भएको बताए । आगामी दिनमा फोटो पत्रकारिता सम्बन्धी थप ज्ञान अभिवृद्धि गर्न सहयोग पु¥याउने प्रतिवद्धता व्यक्त गरेका थिए । समापनमा बोल्दै नेपाल पत्रकार महासंघका अध्यक्ष गिरिराज बाँस्कोटाले पत्रकारको क्षमता स्तर उकास्न तालिम बाहेक अर्को बिकल्प नभएको बताएका थिए ।
