पाँचथर । “श्री सिद्धदेवी मा.वि फालेलुङ जाऔं, चौंथो राष्ट्रपति रनिङ शिल्डको अवशरमा रमाऔं” भन्ने नाराका साथ फालेलुङ गाउँपालिका स्तरीय राष्ट्रपति रनिङ शिल्ड छनौट प्रतियोगिता फाल्गुन २३ गतेबाट सुरु हुने भएको छ ।
सदरमुकाम फिदिममा पत्रकार सम्मेलन गर्दै आयोजक श्री सिद्धदेवी मा.विले फालेलुङ गाउँपालिका स्तरीय राष्ट्रपति रनिङ शिल्ड छनौट प्रतियोगिता फाल्गुन २३ गतेबाट २५ गते सम्म सिद्धदेवी मा.वि सिदिनमा सञ्चालन हुने जानकारी दिएको छ ।
राष्ट्रपति रनिङ शिल्ड प्रतियोगितामा दौडमा छात्रछात्रा एक सय मिटर , २ सय, ४ सय, ८ सय मिटरका खेल खेलाईने छ । यस्तै प्रतियोगितामा छात्रछात्रा भलिवल, हाईजम्प, त्रिपलजम्प, लङजम्प र सटफुट खेल खेलाईने आयोजकले जनाएको छ ।
३ दिन सम्म सञ्चालन हुने प्रतियोगीता सम्पन्न गर्न छ लाख ५० हजार रुपैँया आवश्यक पर्ने अनुमान गरिएको छ । उक्त कार्यक्रम सम्पन्न गर्न फालेलुङ गाँउपालिकाले आर्थिक सहयोग गर्ने छ ।
यस प्रतियोगिताबाट छनोट भएका खेलाडीहरुले जिल्ला स्तरीय राष्ट्रपति रनिङ शिल्ड प्रतियोगितामा सहभागीता जनाउन पाउने छन् ।
