ताप्लेजुङ । जिल्ला फुटबल संघ ताप्लेजुङको अध्यक्षमा अशोक चेम्जोङ निर्वाचित भएका छन् । निवर्तमान अध्यक्ष बालकुमार साँवा लाई फराकिलो मतले हराउदै चेम्जोङ निर्वाचित भएका हुन् ।
बुधबार भएको जिल्ला फुटबल संघ ताप्लेजुङको बुधबार भएको चुनावी साधारण सभाबाट चेम्जोङको नेतृत्वमा १५ सदस्यीय नयाँ कार्यसमिति चयन भएको हो ।
बुधबार भएको निर्वाचनमा निर्वतमा अध्यक्ष बालकुमार साँवा ले २ मत प्राप्त गर्दा निर्वाचित अध्यक्ष अध्यक्षमा अशोक चेम्जोङले ११ मत प्राप्त गर्दै निर्वाचित भएका हुन् ।
अखिल नेपाल फुटबल संघ (एन्फा)को विधानअनुसार आगामी चार वर्षे कार्यकालका चेम्जोङको नेतृत्वमा नयाँ कार्यसमिति निर्वाचित भएको हो । यस्तै, उपाध्यक्षमा नरेन्द्र लिम्बु, दिपेन आङ्बुहाङ, शैलेन्द्र गुरुङ निर्वाचित हुँदा अशोक थेवे पराजित भए ।
सदस्यमा खगेनसिंह हाङगाम, चन्द्र कुमार थेवे, लाक्पा शेर्पा, युवराज लाबुङ, मनोज लिम्बु, रुपेश लिक्बु लेछर्वो, दिल कुमार फुरुम्बु, अशेक लिम्बु र विन्दु प्रसाद तामाङ निर्विरोध चयन हुँदा महिला सदस्य अर्चना शेर्पा चुनिइन् ।
एन्फाले ताप्लेजुङको लागी खटाएको केन्द्रीय पर्यवेक्षक रवीन्द्र जोशीको रोहबरमा निर्वाचन सम्पन्न भएको थियो ।
