धनगढी । कैलालीको मोहन्याल गाउँपालिकाकी एक महिलाले श्रीमानको हत्या गरेकी छन् । मोहन्याल गाउँपालिका १ राक्सा गाउँ घर भएकी ३२ वर्षीया फुमा थापा मगरले आफ्ना श्रीमान ४३ वर्षीय नारायण मगरको आइतबार राति हत्या गरेको जिल्ला प्रहरी कार्यालयले जनाएको छ ।
श्रीमानसँग विवाद भएपछि हसियाले हानेर हत्या गरेको जानकारी गराउन सोमबार बिहान उनी आफैं इलाका प्रहरी कार्यालय पण्डौनमा आएको जिल्ला प्रहरी कार्यालय कैलालीका डिएसपी वेदप्रकाश जोशीले बताए ।
घटनास्थल सञ्चार सम्पर्क नहुने र अति नै विकट क्षेत्रमा पर्ने विस्तृत विवरण प्राप्त हुन नसकेको प्रहरीले जनाएको छ ।
घटनाको थप अनुसन्धानका लागि लम्कीबाट प्रहरीको टोली खटाइएको डिएसपी जोशीले बताए । उनका अनुसार ती महिला हाल प्रहरी नियन्त्रणमा छिन् ।
