माेरङ । खोटाङ घर भएका ८१ वर्षीय प्रेम बहादुर बुढाथोकी ‘सिताराम’ सोमबार साँझ मोरङको लेटाङस्थित डम्बर भुजेलको घरमा पाहुना लाग्न गएका थिए । पाहुना लाग्न गएकै घरमा उनको हत्या भएको छ । हत्या आरोपमा ६० वर्षीय डम्बर भुजेललाई पक्राउ गरिएको मोरङका एसपी जनार्दन जिसीले बताए ।
सोमबार साँझ ७ बजेतिर मदिरा सेवन गर्दा विवाद भएपछि भुजेलले बन्चरोले हिर्काएर उनको हत्या गरेका हुन् । सितारामको टाउकोमा बन्चरोले हिर्काएको चोट देखिएको छ । प्रारम्भिक अनुसन्धानबाट विवाद हुँदा हत्या गरेको देखिएको एसपी जिसीले बताए । घटनास्थललेटाङ नगरपालिका–२ स्थित फँडानीमा पर्छ ।
