पाँचथर । पाँचथरमा आइतबार दिउसो कार दुर्घटना हुँदा एक जनाको घटनास्थलमै मृत्यु भएको छ । दुर्घटनामा एक जना घाइते रहेको जिल्ला प्रहरी कार्यालय पाँचथरले जनाएको छ ।
मृत्यु हुनेमा कार चालक झापा जलथल-५ बस्ने वर्ष ४५को प्रकाश बुढाथोकी रहेका छन् । उनको घटनास्थलमै मृत्यु भएको पाँचथर प्रहरी प्रमुख राकेश थापाले बताए ।
मेचि राजमार्ग अन्तरर्गत फाल्गुनन्द गाँउपालिका वडा नंः-३ पाङग्रेभीरमा झापाबाट फिदिमतर्फ आउदै गरेको मे १ ज २७८४ नं.को कार आफै अनियन्त्रित भई सडकबाट ७०० मिटर तल खसि दुर्घटना भएको थापाले बताए ।
घाइते हुनेमा पाँचथर फालेलुङ १ खुँगा बस्ने बर्ष ३५को भिष्म केरुङ रहेको प्रहरीले बताएको छ । उनको शरिरको बिभिन्न भागमा चोट लागेको छ । केरुङलाई उपचारको लागी झापा पठाइएको प्रहरीले बताएको छ ।
