इलाम । इलाम जिल्लाको माइजोगमाई गाउँपालिकामा भरुवा बन्दुकसहित एक जना युवा पक्राउ परेका छन् ।
प्रहरीका अनुसार माइजोगमाई गाउँपालिका २ पिप्लेडाँडा बस्ने ३० वर्षीय प्रदिप राईलाई भरुवा बन्दुकसहित पक्राउ गरिएको हो ।
राईलाई शुक्रबार दिउँसो २ बजे इलाका प्रहरी कार्यालय नँया बजारबाट खटिएको प्रहरी टोलीले घरैबाट पक्राउ गरेको थियो ।
पक्राउ परेका राईको थप अनुसन्धान भइरहेको १ नम्बर प्रदेश प्रहरी कार्यालय विराटनगरले जनाएको छ ।
