यासाेक । यासोक बजारमा जारी कुम्मायक कुस्सायक गोल्डकपमा ताप्लेजुङको खेवाङ एफसी सेमिफाइनलमा प्रबेश गरेको छ । केएफसी झापालाई ३-० गोल अन्तरले हराउदै ताप्लेजुङ सेमिफाइनल पुगेको हो ।
यासोक स्थित पृथ्वी माविको खेलमैदानमा भएको खेलमा ताप्लेजुङको लागी सनम राई, सेमी लिम्बु र रोशन बर्देवाले गोल गरेका थिए । झापाबाट कुनै गोल हुन सकेन । केएफसी झापा पहिलो चरणबाटै घर फर्कन बाध्य भयो ।
ताप्लेजुङको लागी लागी १ गोल गरेका सनम राई खेलको म्यान अफ दि म्याच बन्दै नगद ५ हजार प्राप्त गरे ।
प्रतियोगिताको बिजेताल टोलीले नगद ३ लाख ३३ हजार ३३३ रुपैंयाँ प्राप्त गर्नेछ । उपबिजेता हुने टोलिले नगद १ लाख ६६ हजार ६६६ रुपैंयाँ प्राप्त गर्नेछ ।
प्रतियोगितामा भोली संगम एफसी सुनसरी र केकेएफसी झापा बिच प्रतिस्पर्धा हुने छ ।
