यासाेक । यासोक बजारमा आजबाट सूरु भएकाे कुम्मायक कुस्सायक गोल्डकपमा झापाको ब्रदर्श युनाइटेडले विजयी सूरुवात गरेको छ । आजको भएको उद्घाटन खेलमा आयोजक सयपत्री क्लव (निलो) लाई ५—२ गोल अन्तरले हराउदै झापा विजयी भएको हो ।
यासोकस्थित पृथ्वी माविको खेलमैदानमा भएको खेलमा झापाको लागी मनोज सेलीङ, हिरन राजवंशी,घुब्र राजवंशी र सबिव मगरले गोल गरे । मनोज सेलीङले २ गोल गर्दा हिरन,घुब्र र सबिनले समान १ गोल गरे । आयोजक निलोको लागी परशु लावती र सेमसिङ लावतीले एक/एक गोल फर्काए पनि जितको लागी पर्याप्त भएन ।
झापाको लागी २ गोल गरेका मनोज खेलको म्यान अफ दि म्याच बन्दै नगद ५ हजार प्राप्त गरे । जित संगै झापाको ब्रदर्श युनाइटेड प्रतियोगिताको सेमिफाइनल प्रबेश गरेको छ ।
प्रतियोगिताको बिजेताल टोलीले नगद ३ लाख ३३ हजार ३३३ रुपैंयाँ प्राप्त गर्नेछ । उपबिजेता हुने टोलिले नगद १ लाख ६६ हजार ६६६ रुपैंयाँ प्राप्त गर्नेछ ।
प्रतियोगिताको दोस्रो खेल भोली चैत २९ गते केएफसी झापा र खेवाङ एफसी ताप्लेजुङ बीच हुनेछ।
