नेपाली कांग्रेसको फिदिम नगर सभापतिमा दहल प्यानलका प्रकाश गुरुङ निर्बाचित भएका छन ।
जवेगु प्यानलका केशब नेम्वाङलाई ४१ मत अन्तरले पछाडी पार्दै गुरुङ निर्बाचित भएका हुन । २ सय ६० जना क्षेत्रीय प्रतिनिधिले मतदान गरेको कांग्रेसको फिदिम नगर अधिवेशनमा गुरुङले १ सय ४९ मत ल्याउदा नेम्वाङले १ सय ८ मत प्राप्त गरेका थिए । बाँकी ३ मत बद्वर भएको निर्बाचन समितिले जनाएको छ ।
उप सभापतिमा सुकपाल तुम्बापो र बालकृष्ण लावती तथा सचिवमा अविनाष भट्टराई र नरेन्द्र गुरुङ निर्बाचित भएका छन । यसैगरी सह सचिवमा कुशल राइ र नविनकुमार तुम्बापो निर्बाचित भएका छन । सदस्यहरु भने निर्विरोध निर्बाचित भएको निर्वाचन समितिले जनाएको छ ।
