पाँचथर । मिक्लाजुङ २ सप्तमीबजारमा आयाेजना भएकाे सप्तमी कप फुटबल प्रतियोगिताको उपाधि आरोहण क्लबले जितेको छ । फाइनल खेलमा फुएतप्पा इलामको फुङवा फुटबल क्लब लाई ३-० गोल हराउदै आयोजक क्लबले उपाधि जितेको हो ।
आरोहणको जितमा सबिन फियाक,युरोप लिम्बु र समिर लिम्बुले गोल गरेका थिए । आरोहरण क्लबले उपाधि सहित नगद रु २५ हजार, मेडल र प्रमाणपत्र प्राप्त गर्यो । उपविजेता बनेको फुङवा एफसिले नगद रु १० हजार, मेडल र प्रमाणपत्र प्राप्त गर्यो ।
बिभिन्न पर्वहरुको अवशर पारेर आयोजना भएको सप्तमी कप फुटबल प्रतियोगितामा स्थानिय ३८ टिमको सहभागिता रहेको थियोे । प्रतियोगिताका सम्पुर्ण खेलहरु युवा वर्ष माध्यमिक बिद्यालयको खेलमैदानमा भएका थिए ।
