धनकुटा । धनकुटाको पाख्रीवास नगरपालिका ३ कृषि अनुसन्धान केन्द्रको गेट अगाडि मध्य पहाडी लोकमार्गमा आज विहान सवारी दुर्घटना हुँदा ३ जना घाईते भएका छन् ।
हिलेबाट पाख्रीवास तिर जाँदै गरेको प्र १-०२-००३ ह ५८७ नं टेम्पो र विपरित दिशाबाट हिले तर्फ आउंदै गरेको को ४ प ८३२१ नं को मोटरसाइकल एकापसमा ठोक्किएर दूर्घटना भएको हो ।
दुर्घटनामा टेम्पोमा सवार पाख्रीवास नगरपालिका ८ का वर्ष १७ का राजु खड्का, मोटरसाइकलमा सवार महालक्ष्मी नगरपालिका ६ कि वर्ष ३९ कि मूना भण्डारी र मोटरसाइकल चालक सोही स्थानका वर्ष ४० का योगेन्द्र भण्डारी घाईते भएको प्रहरीले जनाएको छ ।
घाईतेहरुको पाख्रीवास आधारभूत अस्पतालमा उपचार भईरहेको छ । उनिहरुको टाउको,घुंडा र अनुहारमा चोट लागेको प्रहरीले जनाएको छ ।
