झापा ।झापामा बोराभित्र शव फेला परेको छ । अर्जुनधारा- ४ सहासी टोलस्थित एक पैनीको कल्भर्टमा एक पुरुषको शव भेटिएको हो । उनको पहिचान हुन नसकेको इलाका प्रहरी कार्यालय अनारमनीले जनाएको छ ।
शव केही दिनअघिको छ । ‘स्थानीयले खबर आइतबार साँझ प्रहरीलाई खबर गरेको हो । बोराभित्र बोराको मुख बाँधेर शव कल्भर्टमा फालिएकाले हत्या आशंका प्रहरीको रहेको छ ।’
मृत भेटिएका व्यक्तिको टाउकोमा चोट देखिएको प्रहरीले जनाएको छ । उनको दुवै कुममा आरएन लेखिएको ट्याटु देखिएको इलाका प्रहरी कार्यालय अनारमनीका प्रमुख प्रहरी नायब उपरीक्षक रुगम कुँवरले बताए ।
