पाँचथर । हिलिहाङ गाउँपालिकाकाे अमरपुर स्थित भिरफेदीको जंगलमा सोमबार अन्दाजी चालीस वर्षका एक पुरूष मृत अवस्थामा फेला परेको छ । हिलिहाङ गाउँपालिका १ को भिरफेदीको जंगल क्षेत्रमा औसा किरा परेकाे अवस्थामा शव फेला परेको हो ।
जिल्ला प्रहरी कार्यालय पाँचथरका सूचना अधिकारी डम्बर विश्वकर्माका अनुसार उक्त क्षेत्रमा मृत अवस्थामा नाम वतन नखुलेका पुरुषको शव फेला परेको हो । अन्दाजी ४० वर्षिय काले जिन्स पेन्ट र सेतो र निलो रंगको हाफ भेष्ट लगाएको, हल्का कपाल लामो पालेको, चुस्स दारी पलाएको र अगाडीको दुईवटा दात नभएको पुरुसको शव मृत अवस्थामा फेलापरेको जिल्ला प्रहरी कार्यालय पाँचथरले जनाएको छ । उक्त पुरुषको पहिचान हुन नसकेको प्रहरीले जनाएको छ ।
मृतकको लास पहिचानको लागि निजको आफ्न्तलाई खोजतलास तथा घटना सम्बन्धमा अनुसन्धान भइरहेको जिल्ला प्रहरी कार्यालय पाँचथरले जनाएको छ ।
