रबि । पाँचथर जिल्ला “ए” डिभिजन लिग फुटबल प्रतियोगितामा आज ३ खेल सम्पन्न भएका छन् । आज भएको पहिलो खेलमा पाँचथर युनाइटेडले तिजोक क्लब नवमीडाँडालाई १-० ले हरायो । पाँचथर युनाइटेडले पाँच खेलमा आठ अंक जोड्दै लिगको यात्र टुङगाएको छ ।
पाँच खेल खेल्ने क्रममा पाँचथर युनाइटेडले २ जित, एक हार र दुई बराबरी ब्यहोरदै लिग यात्रा टुङगाएको छ । तिजोक क्लबले पाँच खेल खेल्दै ३ अंक जोड्दै लिग यात्रा टुङगाएको छ । जसमा एक तिज र चार हार सहित तिजोकको लिग यात्र टुङगिएको हो ।
आजै भएको दोश्रोे खेलमा सुम्हात्लुङ युथ क्लबले न्यु पाथिभरा क्लबलाई ३-०ले हरायो । जारी लिगमा सुम्हात्लुङ युथ क्लबल ५ खेल खेल्दै १० अंकका साथ लिग यात्रा टुङगाएको छ ।
सुम्हात्लुङ ३ जित, एक हार र एक बराबरी खेल्दै लिग यात्रा टुङगाएको हो । न्यु पाथिभरा क्लब चोकमागुले जारी लिगमा ५ खेलबाट ४ अंक जोडेको छ । जसमा एक जित, एक बराबरी र ३ हार रहेको छ ।आजै भएको अन्तीम खेलमा पल्लोटार युवा क्लबले चोुङल क्लबलाई ३-० गोलले हरायो । जारी लिगमा पल्लोटारले ६ अंक जोड्दै लिग यात्रा पुरा गर्यो । ४ खेल खेलेको पल्लोटारले २ जित र २ हार ब्यहोरदै लिग यात्रा पुरा गरेको छ । चोलुङ युथ क्लब याङनामले जारी लिगमा ७ अंक जोड्दै लिग यात्रा टुङगाएको छ । ७ अंक जोड्ने क्रममा चोलुङले २ जित, २ हार र एक बराबरी खेलेको छ ।
पाँचथर ‘ए’ डिभिजन लिग सम्बन्धि बिस्तृत समाचार हामी केहि समय पछि प्रकाशित गर्ने छौं । ( तालीका सहित)
