पाँचथर । वर्षाका कारण पाँचथर जिल्लाका प्रमुख राजमार्ग र स्थानीय सडक सञ्जालहरू पहिरो र बाढीको कारण प्रभावित भएका छन्। सम्भावित बाढी, पहिरोको जोखिम उच्च रहेका कारण जिल्ला प्रशासन कार्यालय, पाँचथरले विभिन्न स्थानका सडकखण्डमा आवागमन गर्दा सर्तकता अपनाउन आग्रह गरेको छ।

बाढी पहिरोका् कारण सडक अवरुद्ध हुँदा दुर्घटना हुने सम्भावना रहेकाले अत्यावश्यक बाहेकका यात्रा स्थगन गर्न र जोखिमयुक्त स्थानहरूमा सतर्कता अपनाउन प्रशासनले अनुरोध गरेको हो। विशेषगरी नदी, खोला, भीर–पाखा नजिकका सडकहरू जोखिममा रहेकाले जनजीवन प्रभावित भएको छ।
प्रशासनले असार २५ गते सूचना जारी गर्दै जिल्लाको  निम्न  जोखिमयुक्त सडकहरुमा  सतर्कता अपनाउन आग्रह गरेको हो ।

प्रशासनले जोखिमयुक्त स्थानमा जानु परेमा जिल्ला प्रहरी कार्यालय, ट्राफिक प्रहरी, सशस्त्र प्रहरी वा स्थानीय निकायसँग समन्वय गर्न आग्रह गरेको छ।

जिल्ला प्रशासन कार्यालयले सबै नागरिकलाई यस्ता जोखिमपूर्ण अवस्थामा सतर्क रहन, अनावश्यक यात्रा नगर्न र स्थानीय प्रशासनसँग समन्वय गर्न पुनः आग्रह गरेको छ।