पाँचथर । पाँचथरमा जारी एघारौं फाल्गुनन्द गोल्ड कप फुटबल प्रतियोगिताको उद्घाटन खेलमा आयोजक फिदिम स्र्पोटिङ क्लब विजयी भएको छ ।
शनिबार फिदिम माबिको खेलमौदान सम्पन्न खेलमा खर्साङ फुटबल क्लब भारत लाई टाइब्रेकरमा ५-४ ले पराजित गर्दै फिदिम स्र्पोटिङ क्लबले क्वाटरफाइनलको यात्रा तय गरेको हो ।
गोरहित बराबरीमा खेल सकिएपछि टाइब्रेकरबाट खेलको निणर्य लिइएको थियो । खर्साङको तर्फबाट टाइब्रेकरमा आकाश प्रधान, बिशाल भण्डारी र प्रशान्त क्षेत्रीले गोल गर्न सफल भए ।
छोङदेल लामाको प्रहार फिदिमका गोल रक्षक मिराक खजुमले राकेका थिए । लामाको प्रहार गोलरक्षक मिराक खजुमले उत्कृष्ट बचाउ गर्दा फिदिमले खेल आफ्नो पक्षमा पार्न सफल भयो । फिदिमका खजुम म्यान अफ दि म्याच बन्दै नगद १० हजार प्राप्त गरे ।
फिदिमको तर्फबाट आशिश चापागाइ,बिशाल दर्जि,शुकराज राई र निरोज लिङदेनले गोल गरेका थिए ।
दुबै टिमले पाएका अबशर गुमाउदा खेल बराबरीमा पुगेको थियो ।
पुस १५ गते हुने फाइनल खेलको विजेताले नगद १० लाख ५ सय ५५ रुपैयाँ पाउने छ । उपबिजेताले ५ लाख पाँच सय ५५ रुपैँया पाँउनेछ । २०६५ सालमा सञ्चालन भएको १० औँ संस्करणको गोल्डकपको भन्दा यसपटक पुरस्कार राशि दोब्बर बनाइएको हो । आयोजकका अनुसार प्रतियोगितामा ९० लाख रुपैयाँ खर्च हुने अनुमान गरिएको छ ।
प्रतियोगिताको सर्वोकृष्ट खेलाडीले एक थान इभी स्कुटर प्राप्त गर्नेछन् । प्रत्येक खेलमा म्यान अफ दि म्याच हुने खेलाडीले नगद १० हजार पाउँदा सर्वाधिक गोलकर्ताले नगद १५ हजार पाउनेछ । यसैगरी, उत्कृष्ट रक्षक, प्रशिक्षक, फरवार्ड, मिडफिल्डर, गोलरक्षक र उदयमान खेलाडीले समान १० हजार प्राप्त गर्नेछन् ।
आइतबार हुने खेल
मच्छिन्द्र फुटबल क्लब बिरुद्ध झापा ११
default
