पाँचथर । अर्को महिनाबाट फिदिममा सञ्चालन हुने ११ औँ संस्करणको फाल्गुनन्द गोल्डकप फुटबल प्रतियोगिताको एन्थम सार्बजनिक गरिएको छ ।
शुक्रबार आयोजक फिदिम स्पोर्टिङ क्लबले फिदिम नगरपालिकाको सभाहलमा एक कार्यक्रमको आयोजना गरी एन्थम सार्बजनिक गरेको हो ।
कार्यक्रमका प्रमुख अतिथि फिदिम नगरपालिकाका मेयर मित्रप्रसाद काफ्लेले गीत सार्वजनिक गरेका हुन् । डीपी खनालको शब्द रहेको गीतमा शंकर थापा स्माइलको संगीत रहेको छ । गीतमा प्रताप दास, किरण भुजेल, देबेन्द्र बराल, कमल श्रेष्ठ, अशोक मुकारुङ, ससिका राई, ममता गुरुङ, दीपा सुहाङ, मुना ठटाल, दिप्सन लिम्बू, खेम सुब्बा र नोगेन हाङसरुम्बाको स्वर रहेको छ ।
सेवा रेकर्डिङ स्टुडियोमा रेकर्ड गरिएको गीतको एरेन्ज देबेश राई र रेकर्डिङ तथा सम्पादन योगेन मुकारुङले गरेका छन्।
आगामी पुस ६ गतेबाट फिदिममा ११ औं फाल्गुनन्द गोल्डकप प्रतियोगिता आयोजना हुदैछ । प्रतियोगितामा ए डिभिजन क्लब सहित १० टिमको सहभागिता रहनेछ ।
भिडियाे
