पाँचथर । फिदिम बजार क्षेत्रका विभिन्न ठाउँमा पाँचथर क्लबले डस्बिन राखेको छ । गत चौथो पाँचथर गोल्डकप सम्पन्न गरेको क्लबले फिदिम बजार क्षेत्रमा १५ वटा डस्बिन राखेको हो ।
क्लबका निशान शिवाकोटी अनुसार फिदिम बजारका मुख्य मुख्य ठाउँमा क्लबले मंगलबार १५ वटा डस्बिन राखेको हो ।
बजार क्षेत्रका सौन्दर्यता कायम राख्न र बजार क्षेत्रको फोहोर व्यवस्थापन गर्ने उदेश्यले फिदिम बजार क्षेत्रका विभिन्न स्थानमा १५ वटा डस्बिन राखिएको उनले बताए ।
यसअघि पनि सामाजिक काममा सक्रिय रहेको पाँचथर क्लबले आगामी दिनमा पनि सामाजिक काममा अग्रसर रहने शिवाकोटीको भनाई रहेको थियो ।
