पाँचथर । त्रिभुवन आर्मी फुटबल क्लब चौथो पाँचथर गोल्डकप प्रतियोगिताको सेमिफाइनलमा पुगेको छ । पाहुना टोली भारतको हिल्स फुटबल एकेडेमीलाई मंलबार १-० ले हराउँदै आर्मी ११ अन्तिम चारमा पुगेको हो । आर्मीको जित सँगै प्रतियोगितको सेमिफाइनल समिकरण पुरा भएको छ । पाँचथर क्लब, झापा ११, बागमती युथ क्लब यस अघिनै अन्तिम चारमा पुगेका छन् । आर्मीले फाइनल प्रबेशको लागी बिहिबार झापा ११को सामना गर्ने छ ।
दोश्रो रोजाइका खेलाडी लिएर उत्रेको आर्मी खर्साङ्गे टोलीलाई हराएको थियो । दिशान्त राईले ४७ औं मिनेटमा गरेको गोल खेलको निणर्ायक बन्यो । दिप लामाको क्रसमा दिशान्त वानटच गोल गरेका थिए । खेलमा पछि परेपछि गोल फर्काउने अवसरलाई पाहुना टोलीले उपयोग गर्न सकेन ।
आर्मीका दिशान्त राई म्यान अफ दि म्याच बने र ५ हजार रुपैयाँ प्राप्त गरे । निर्तिका राई फ्यान अफ दि म्याच भइन् । २ हजार ५ सय रुपैयाँ प्राप्त गरिन ।
ए डिभिजन क्लब त्रिभुवन आर्मी फुटबल सहित ८ टोलीले सहभागिता रहेको प्रतियोगिताको विजेताले ट्रफीसहित ५ लाख ५ हजार, दोस्रोले दुई लाख ५५ हजार रुपैयाँ प्राप्त गर्नेछन् ।
पाँचथर गोल्डकपमा बुधबारको सेमिफाइनल खेल
पाँचथर क्लब विरुद्ध बागमती फुटबल क्लब सर्लाही
खेल समय – दिउँसो २ बजे
