पाँचथर– पाँचथरको फाल्गुनन्द गाँउपालीका–६ ओसागुमा सम्पन्न भलिवल प्रतियोगितको उपाधी घरेलु टोली फाल्गुनन्द गाँउपालीकाकै टिमले जितेको छ ।
पालिका स्तरीय भलिवल प्रतियोगिताको फाइलन खेलमा कुम्मायक गाँउपालीकाको टिमलाई सोझो सेटमा सहजै हराउदै फाल्गुनन्दले पुनः उपाधि चुमेको हो । साविक विजेता फाल्गुनन्दले फाइनल खेलमा २५–१६, २५–२२, २५–२१ को सेटमा उपाधी जितेको हो ।
दुतिया मेलाको अवसरमा प्रतियोगिता आयोजना भएको थियो । विभिन्न राम्रा टिमलाई हराएर फाइनल पुगेको कुम्मायकले फाइनलमा फाल्गुनन्दसँग राम्रो प्रर्दशन गर्न सफल भएन ।
विजेता फाल्गुनन्द गाँउपालीकाको टिमले १ लाख १५ हजार ५ सय १५ रुपैँया नगद सहित ट्रफि उचालेको छ । विजेतलाई गाँउपालीका अध्यक्ष वृजहाङ आङदेम्बेले पुरस्कार प्रदान गरेका थिए । उपविजेता कुम्मायकले ६५ हजार ५ सय ६५ रुपैँया नगद र ट्रफिमा चित्त बुझाएको थियो । दुतिया मेलाको अवसरमा आयोजित भलिवल प्रतियोगिता पाँचथरका आठ र अन्य जिल्लाका चार पालीकाका टिमले सहभागिता जनाएका थिए ।