पाँचथर– पाँचथरको फिदिम नगरपालीका–७ मा रानीटार गोल्डकप फुटवल प्रतियोगिता सुरु भएको छ । दिपावली तथा महागुरु फाल्गुनन्दको जन्म जयन्तिको अवसरमा शनिवारदेखि प्रतियोगिता सुरु भएको हो ।
रानीटार माध्यमिक विद्यालयको खेलमैदानमा हुने प्रतियोगिताको फिदिम वार्ड न. ७ का अध्यक्ष रुपेन्द्र तामाङले उद्घाटन गरे ।
प्रतियोगिताको पहिलो दिन भएका दुई खेलमा डिएफसि फुटवल क्लब र
रानीटार युनाईट विजयी भएको छ । डिएफसिले आयोजक त्रिवेणीलाई र रानीटारले पञ्चमी फुटवल क्बलाई हराएको थियो ।
प्रतियोगितामा १६ टिमको सहभागिता रहेको आयोजक संस्थाका अध्यक्ष ललितमान फेजुङले जानकारी दिउ ।
त्रिवेणी युवा क्लबको आयोजना भएको प्रतियोगिताको विजेताले ७० हजार १ सय र उपविजेताले ४० हजार १ सय रुपैँया र ट्रफि पाउने छ ।