झापा । झापाको कमल गाउँपालिकाका अध्यक्ष हुकुमसिंह राईले उपाध्यक्ष हुँदाहुँदै वडा अध्यक्षलाई कार्यवाहक जिम्मेवारी दिएका छन् । वडाध्यक्षलाई कार्यबहाक अध्यक्षको जिम्मेवारी दिएर राई भने विदेश भ्रमणमा निस्किएका हुन् ।
राईले विदेश भ्रमणको अघिल्लो दिन कमल गाउँपालिका वडा नं. २ का अध्यक्ष अशोक सुब्बालाई कार्यवाहक दिएका हुन् । उपाध्यक्ष प्रमीला नेउपाने तिवारी कार्यालयमा दैनिक गइरहेकी थिइन् । कांग्रेसबाट निर्वाचित अध्यक्ष राईले नेकपा समाजवादीबाट निर्वाचित सुब्बालाई अख्तियारी दिएका हुन् । उपाध्यक्ष तिवारी नेकपा एमालेबाट निर्वाचित हुन् ।
