पाँचथर । पाँचथर प्रहरीले मोटरसाइकल चोरीमा संलग्न २ जनालाई पक्राउ गरेको छ । शनिबार मोटरसाइकल सहित उनीहरुलाई पक्राउ गरीएको प्रहरीले जनाएको छ । पक्राउ पर्नेमा फिदिम न.पा. ४ बस्ने वर्ष २१ का सुशील योङहाङ र फिदिम न.पा. १ बस्ने वर्ष २० का अविनाश राई रहेका छन् ।
फिदिम वडा नम्बर १ बस्ने ईन्द्र बहादुर कुरुम्वाङको मे.८.प.६६० नम्बरको २२० सिसिको पल्सर मोटरसाईकलको तार काटी चोरी गरी लैजादै गरेको अवस्थामा गस्तिमा रहेको प्रहरी टोलीले उनिहरुलाई पक्राउ गरेको प्रहरी निरिक्षक सन्तोष राईले केन्जो खबर लाई जानकारी दिए ।
प्रकाउ परेकाहरुलाई जिल्ला अदालत पाँचथरंबाट ७ दिनको म्याद थप गरि अनुसन्धान अघि बढाएको प्रहरीले जनाएको छ । पछिल्ला दिनहरुमा फिदिमा मोटरसाइकलहरु हराई रहेको गुनासोहरु बढिरहेको छ ।
