कुमार खड्का ( यासोक) । कुम्मायक गाउँपालिका वडा नम्बर १ ले पृथ्वी माध्यमिक बिद्यालयलाइ कुर्सी बितरण गरेको छ । शुक्रबार १ नम्बर वडाअध्यक्ष देबेन्द्र कुमार लाओतीले पृथ्वी मा.बि यासोकका सहायक प्रध्यानध्यापक फुलकुमारी नेम्बाङलाई कुम्मायक गाउपालिका द्वारा निर्माण सम्पन्न भएको बिध्यालयको सभाहललाई ब्यस्थित रुपमा सन्चालनमा ल्याउन १ सय ५० ओटा प्लास्टिका कुर्सी हस्तान्तरण गरेका हुन् ।
यसअघि वडा कार्यालयले यासोक क्याम्पस यासोकलाइ १६ औ क्याम्पस स्थापना दिवसको अवसर पारेर ५० ओटा कुर्सी बितरण गरिसकेको वडा अध्यक्ष लाओतीले जानकारी दिए ।
वडाका टोल न. १,५,६ का सामुदायिक भवनमा एक सय ओटाका दरले ३ ओटा निर्माण सम्पन्न सामुदायिक भवन हस्तान्तरण सहित कुर्सी बितरण गरिने वडा अध्यक्ष लाओतीले जानकारी दिए ।
वडाको ४ लाख बजेटबाट कार्यालयले ५ सय ३३ ओटा प्लास्टिकका कुर्सी खरिद गरेको थियो ।
