पाँचथर । इलाम नगरपालिका-१ मिलगोलाईमा सवारी दुर्घटना हुँदा १३ जना घाइते भएका छन् । उक्त सवारी सवारी दुर्घटना घाइते भएका १३ जना मध्ये ३ जना पाँचथरका रहेको जिल्ला प्रहरी कार्यालय इलामले जनाएको छ ।
घाइते हुनेमा फालेलुङ गा.पा. १ बस्ने वर्ष ३२ की अप्सरा कोइराला,( टाउको र शरिरको विभिन्न भागमा चोट ), याङबरक गा.पा ५ बस्ने वर्ष ५१ को प्रेम तामाङ ( टाउको र शरिरको विभिन्न भागमा चोट ) र याङबरक गा.पा ६ बस्ने बस्ने वर्ष २३ को दिपेन्द्र कोइराला( टाउको र शरिरको विभिन्न भागमा चोट ) रहेको जिल्ला प्रहरी कार्यालय इलामले जनाएको छ ।
ताप्लेजुङको थुम्बेदिनबाट झापा तर्फ गइरहेको को १ ज ३३२९ नम्बरको जिप मेचि राजमार्गको इलाम नेपालटार सडक खण्डमा दुर्घटना भएको हो । अनियन्त्रित भइ सवारी राजमार्गबाट अन्दाजी ३ सय मिटर तल पुवाखोला नजिकै झरेको प्रत्यक्षदर्शी निरज दाहालले बताए ।
घाइते मध्ये ४ जनाको अवस्था गम्भीर बनेपछि थप उपचारका लागि झापा तर्फ रेफर गरिएको छ । अन्यको इलाम अस्पतालमा उपचार भइरहेको छ ।
