काठमाडौं । कक्षा १२ को नतिजा प्रकाशित गरिएकाे छ । राष्ट्रिय परीक्षा बोर्डले गत जेठ १५ देखि २५ गतेसम्म लिइएको बोर्ड परीक्षाकाे नतिजा सार्वजनिक गरेकाे हाे ।
सार्वजनिक नतिजाअनुसार ४१७९ जनाले ३.६ देखि ४ जिपिए ल्याएका छन् । त्यस्तै ३०१०७ जनाले ३.२ देखि ३.६ जिपिए ल्याएका छन्। ६५२८८४ जनाले २.८ देखि ३.२० जिपिए ल्याएका छन्। ६४०९३ जनाले २.४ देखि २.८ जिपिए ल्याएका छन्। १०९०० जनाले २.१ देखि २.४ जिपिए ल्याएका छन्।
त्यस्तै १.६. २ जिपिए ल्याउने ३५ जना छन्। नन ग्रेड तर्फ १ लाख ८८ हजार ४१० छन् । ग्रेड बृद्विका लागि १ लाख ३० ८७८ जनाले दिन पाउनेछन्। जम्मा ३ लाख ६३ हजार ८ जनाले परीक्षा दिएका थिए ।
बाेर्डले याे पटक नन ग्रेडिङ अनुसार नतिजा प्रकाशन गरेकाे हाे । प्रयोगात्मक परीक्षामा ४० प्रतिशत र सैद्धान्तिक परीक्षामा ३५ प्रतिशत भन्दा बढी अंक नल्याएका विधार्थि फेल भएका छन् । त्यो भन्दा कम अंक ल्याएको खण्डमा पुनः परीक्षा दिनुपर्ने बोर्डले जनाएको छ ।
विगतमा झैँ यस वर्षको कक्षा १२ को नतिजा पनि नेपाल टेलिकमको साइटबाट हेर्ने व्यवस्था रहेको छ ।
-त्यसका लागि सबैभन्दा पहिले यहाँ क्लिक गर्नुहोस् ।
त्यसपछि त्यहाँ माथिको बक्समा सिम्बाेल नम्बर र तलको बक्समा जन्ममिति राख्नपर्ने हुन्छ । (जन्ममिति राख्दा वर्ष/महिना/दिन (जस्तै २०६०/०१/१४) ।
त्यसपछि तल रहेको सब्मिट बटनमा ट्याप गर्यो भने आफ्नो नतिजा हेर्न सकिन्छ ।
एसएमएस
नतिजा सार्वजनिक भएपछि एसएमएसमार्फत पनि हेर्न सकिन्छ । नतिजा सार्वजनिक भएको केही समयपछि मात्र अनलाइनबाट हेर्न सकिने भएकाले नतिजा सार्वजनिक भए लगतै एसएमएसबाट हेर्न सकिन्छ ।
एसएमएसबाट कक्षा १२ को नतिजा हेर्नका लागि तलको प्रक्रिया अपनाउनुहोस् ।
- सबैभन्दा पहिले मोबाइलको मेसेज बक्समा जानुहोस् ।
- त्यसपछि पठाउनुपर्ने नम्बरमा ३५००१ राख्नुहोस् ।
- त्यसपछि एमएमएस बक्समा NEB टाइप गरी एक स्पेस दिएर आफ्नो सिम्बाेल नम्बर टाइप गरेर सेन्ड गर्नुहोस् ।
- त्यस लगत्तै तपाईंले कुन विषयमा कुन ग्रेड ल्याउनुभयो भन्ने नतिजा देख्न सक्नुहुनेछ ।
आईभीआर
बोर्डले वेबसाइट, एसएमएस बाहेक आईभीआरमार्फत पनि नतिजा थाहा पाउन सकिने व्यवस्था गरेकाे छ ।
आईभीआर मार्फत कक्षा १२ को नतिजा थाहा पाउन तलको प्रक्रिया अपनाउनुहोस् ।
- सबैभन्दा पहिले आफ्नो फोनमा १६००१ डायल गरेर कल गर्नुहोस् ।
- त्यसपछि त्यहाँ भने बमोजिम आफ्नो सिम्बोल नम्बर थिच्नुहोस् ।
- त्यसपछि तपाईंले आफूले प्राप्त गरेको जीपीए तथा ग्रेड थाहा पाउन सक्नुहुन्छ ।
