राजविराज / हिजाे आइतबार साँझ चोरी भएको छिन्नमस्ता भगवतीको मुकुट फेला परेकाे छ । छिन्नमस्ता गाउँपालिका-३ स्थित छिन्नमस्ता भगवतीको मुकुट सोमबार बिहान फेला परेकाे सप्तरी प्रहरीले जनाएको छ । विष्णुपुर गाउँपालिका-५ मझाउ गाउँका राजेशकुमार मण्डललाई मुकुटसहित नियन्त्रणमा लिइएको जिल्ला प्रहरी कार्यालय सप्तरीका प्रवक्ता डीएसपी माधव काफ्लेले बताए ।
सफाइका क्रममा नभेटिएपछि मुकुट चोरी भएको मन्दिरका पीठाधीश महाकान्त ठाकुरले बताएका थिए । मन्दिरका मूल पुजारी उमेश ठाकुरका छोराको मृत्यु भएका कारण सात दिनयता मन्दिरको सरसफाइ र नियमित पूजा स्थानीय ब्राह्मणले गर्दै आएका थिए । मुकुट ८ सय ५० ग्राम तौलको छ । मन्दिरमा राखिएको सीसीटीभी क्यामेरा असारदेखि बिग्रिएको छ ।
