पाँचथर- मेची राजमार्ग अन्तर्गत इलाम नगरपालिका–९, भञ्ज्याङ गोलाईमा भएको सवारी दुर्घटनामा २ जनाको ज्यान गएको छ ।
शनिबार दिउँसो करिब ३ बजे झापाबाट इलामतर्फ जाँदै गरेको प्रदेश १–०१–००१ ख ४१०१ नम्बरको ट्रक र विपरीत दिशाबाट जाँदै गरेको प्रदेश १–०१–०१२ प ४८९९ नम्बरको स्कुटर आपसमा ठोक्किएर दुर्घटना भएको हो ।
जिल्ला प्रहरी कार्यालय इलामका अनुसार दुर्घटनामा स्कुटरमा सवार २ जना गम्भीर घाइते भएका थिए । घाइतेहरु अन्दाजी २६ वर्षीय डेविट थापा मगर, र १८ वर्षीय छेवाङ शेर्पालाई जिल्ला अस्पताल लगिएको थियो।
उपचारका क्रममा चिकित्सकले दुवै जनालाई मृत घोषणा गरेको प्रहरीले जनाएको छ । ट्रकका चालक रामप्रसाद श्रेष्ठलाई प्रहरीले नियन्त्रणमा लिएको छ ।
