काठमाडौं
देशव्यापी रुपमा भैरहेको जेनजी आन्दोलनका क्रममा मृत्यु हुनेको संख्या ७२ पुगेको छ। मुख्य सचिव एकनारायण अर्यालका अनुसार मृत्यु हुनेमध्ये ५९ जना प्रदर्शनकारी, १० जना कैदी बन्दी र ३ जना सुरक्षाकर्मी रहेका छन्।
उनका अनुसार हालसम्म १३३ जना प्रदर्शनकारी र ५७ जना सुरक्षाकर्मी घाइते भएका छन् र उनीहरूको विभिन्न अस्पतालमा उपचार भइरहेको छ।
प्रधानमन्त्री सुशिला कार्कीको अध्यक्षतामा बसेको मन्त्रिपरिषद् बैठकले आन्दोलनमा ज्यान गुमाउने सबैलाई शहीद घोषणा गर्ने निर्णय गरेको छ। साथै मृतकका परिवारलाई प्रतिव्यक्ति १० लाख रुपैयाँ दिने र घाइतेको निःशुल्क उपचार गर्ने व्यवस्था मिलाइने भएको छ।
मुख्य सचिव अर्यालका अनुसार आन्दोलनका क्रममा अधिकांश जिल्लामा सरकारका कार्यालय, निजी भवन तथा सार्वजनिक सम्पत्तिमा व्यापक तोडफोड भएको छ।
