बिर्तामोड
बिर्तामोडमा प्रहरीको गोली लागेर घाइते भएका अर्का प्रदर्शनकारीको शुक्रबार मृत्यु भएको छ।
मृत्यु हुनेमा अर्जुनधारा–८ हात्तीकिल्ला निवासी २५ वर्षीय दिनेश राजवंशी रहेका छन्। बीएण्डसी अस्पतालमा उपचाररत रहेका राजवंशीको आज दिउँसो मृत्यु भएको परिवारजनले पुष्टि गरेका छन्।
यसअघि इलाका प्रहरी कार्यालय बिर्तामोड अगाडि भएको झडपमा हिलिहाङ–२, पाँचथर घर भई बिर्तामोड–१० बस्दै आएका अन्दाजी ३५ वर्षीय कमल भण्डारी र अर्जुनधारा–८ निवासी २८ वर्षीय गोपाल सेढाईको मृत्यु भइसकेको थियो।
योसँगै बिर्तामोडमा भएको झडपमा ज्यान गुमाउनेको संख्या तीन पुगेको छ।
