पाँचथर
नेपाल सरकारको रक्षा मन्त्रालयअन्तर्गत नेपाली सेनाको जनसम्पर्क तथा सूचना निर्देशनालयले जारी गरेको विज्ञप्तिअनुसार आज साँझ ५ बजेपछि देशभर कर्फ्यू र निषेधाज्ञा कडाइका साथ लागू हुने भएको छ।
विज्ञप्तिमा भनिएको छ कि निषेधाज्ञा अवधिमा एम्बुलेन्स, शववाहन, दमकल, स्वास्थ्यकर्मी तथा सुरक्षाकर्मीका सवारी साधन मात्र सञ्चालन गर्न पाइनेछ भने अन्य सवारीसाधन पूर्ण रूपमा रोक्का गरिनेछ। आवश्यक सहयोगका लागि नागरिकले नजिकैका सुरक्षाकर्मीहरूसँग समन्वय गर्नुपर्नेछ।
यस अवधिमा आन्दोलन वा प्रदर्शनको नाममा कुनै पनि तोडफोड, लुटपाट, आगजनी वा सार्वजनिक तथा निजी सम्पत्तिमाथि आक्रमणलाई दण्डनीय अपराध मानिने जनाइएको छ। यस्ता गतिविधिमा संलग्न व्यक्तिमाथि कडा कारबाही गरिने चेतावनी दिइएको छ।
अफवाह वा अप्रमाणित समाचारमा विश्वास नगरी अधिकृत निकायबाट प्राप्त जानकारी मात्र भरोसा गर्न नागरिकलाई अनुरोध गरिएको छ।
नेपाली सेनाले जनजीवनलाई सामान्य अवस्थामा फर्काउन सबै सुरक्षा निकाय, सेवाका राष्ट्रसेवक, सञ्चारकर्मी तथा आम नागरिकलाई सहयोग पुर्याउन अपिल गर्दै राष्ट्रिय एकता र सामाजिक सद्भावलाई कायम राख्न आह्वान गरेको छ।
