विराटनगर । कोसी प्रदेशका पनि विभिन्न सहरमा आज बिहानैदेखि आन्दोलन तीव्र बनेको छ।झापाको बिर्तामोडस्थित नेकपा एमाले पार्टी कार्यालयमा प्रदर्शनकारीले आगजनी गरेका छन्।
यसअघि हिजो पनि त्यही कार्यालयमा तोडफोड भएको थियो।आज बिहानै भेला भएका प्रदर्शनकारीले पुनः कार्यालयमा तोडफोड गर्दै आगो लगाएका हुन्।
यस्तै विराटनगरको देवकोटा चोक र पुष्पलाल चोकमा प्रदर्शनकारीको ठूलो भिड भेला भई प्रदर्शन भइरहेको छ।प्रदर्शनकारीले पुष्पलाल चोकमा रहेको पुष्पलालको सालिकसमेत तोडफोड गरेका छन्।
इटहरीमा पनि कर्फ्यु तोड्दै प्रदर्शनकारी सडकमा उत्रिन थालेका छन्।हिजो त्यहाँ भएको प्रदर्शनमा दुई जनाको मृत्यु भएपछि इटहरी अहिले पनि तनावग्रस्त बनेको छ।
विराटनगरमा जिल्ला प्रशासन कार्यालयले कफ्र्यु लगाइएको छ।
