पाँचथर । फिदिमको एक होटलमा युवतीलाई बोलाएर सामूहिक बलात्कार गर्ने पाँच जनालाई जिल्ला अदालत पाँचथरले पुर्पक्षका लागि कारागार चलान गरेको छ।
जिल्ला अदालत पाँचथरका श्रेस्तेदार विष्णुप्रसाद खतिवडाले जानकारी दिए अनुसार, झापाका विवश खड्का र अंकित शर्मा, पाँचथरका अनिल योङहाङ, संजय तामाङ र कुम्मायक–४ का उमेश तामाङलाई पुर्पक्षका लागि कारागार चलान गरिएको हो।
पीडित युवतीले चिनेजानेकै मान्छेले होटलमा बोलाएर सामूहिक बलात्कार गरेको उजुरी गरेपछि प्रहरीले पाँच जनालाई पक्राउ गरी जबरजस्ती करणी मुद्दा दर्ता गरी छानबिन सुरु गरेको थियो। घटना असार २८ गते शनिबार राति भएको थियो।
