फिदिम । फिदिम नगरपालीका १२ खत्रीगाउँमा स्वच्छन्द कन्काई जेभि कम्पनिको अस्थाई कार्यालय तोडफोड गरि कम्प्युटर चोरि भएको छ । फिदिम फालोट सडकखण्ड अन्तरगत फिदिम ११ सल्लेरी देखि फिदिम १२ डेरी बजार सम्म्म स्वच्छन्द कन्काई जेभि कम्पनि पिच गर्ने काम गरिरहेको छ । उक्त सडक खण्ड पिच गर्ने क्रममा फिदिम नगरपालीका १२ खत्रीगाउँमा स्वच्छन्द कन्काई जेभि कम्पनिको अस्थाई कार्यालय निर्माण गरेको थियो ।
सो सडक आसफल्ट प्लाण्ट किसिमको पिच गर्ने कार्य भइरहेको छ । गए राति अज्ञात समुहले क्याबिन तोडफोड गरि कम्प्युटर चोरी गरेको कम्पनीले जानकारी दिएको छ । क्याबिन फुटाएर कम्प्युटर चोरि भए पछि सडक पिच गर्ने काम रोकिएको   कम्पनि प्रबन्धक डिबि लामाले जानकारि दिए । तोडफोड भएको र कम्प्युटर चोरि भएको जानकारी प्रहरीलाई दिइसकेको लामाले बताए ।
तोडफोड गरि चोरी गर्नेको खोजी भई रहेको फिदिम नगर पालिका १२ नांगीनका  प्रहरी इन्चार्ज असई गणेश लुईटेलले जानकारि दिए ।