फिदिम । पाँचथरमा निशेधाज्ञा खुकुल्लो भएको दिन सर्वाधीक १३८ जनामा कोरोना संक्रमण पुष्टी भएको छ । आज पुष्टी भएको संख्या पाँचथरमा हाल सम्मकाे उच्च सख्या हाे ।
शनिबार १२० जनामा फिदिममा लिइएको स्वाबबाट गरिएको पीसीआर परीक्षणबाट ४६ जना, पीसीआरबाट अन्य पाँच जनामा सङ्क्रमण पुष्टि भएको छ । यस्तै जिल्लाका विभिन्न स्थानमा २५१ जनामा गरिएको एण्टिजेन परीक्षणमा ८७ जनामा सङ्क्रमण पुष्टि भएको जिल्ला प्रशासन कार्यालय पाँचथरको दैनिक तथ्याङ्कले देखाएको छ ।
नयाँ सङ्क्रमित थपिएसँगै जिल्लामा सङ्क्रमितको कूल संख्या १३२४ पुगेको छ । जसमध्ये ५२९ जना सङ्क्रमणमुक्त भएका छन् ।
हाल जिल्लामा एचडियू र होम आइसोलेसनमा २१ जना उपचाररत छन् भने जिल्लाबाट हालसम्म १६ जनालाई थप उपचारका लागि जिल्ला बाहिर रेफर गरिएको छ ।
