फिदिम । मेचि राजमार्ग अन्तगर्त फिदिम नगरपालिका ३ सुम्नीमा चौकमा गए राति एम्बुलेन्स दुर्घटना हुदाँ त्यसमा सवार एकको मृत्यु भएको छ । दुई घाइते भएको जिल्ला प्रहरी कार्यालय पाँचथरले जानकारी दिएको छ ।
प्र १-०१-००१ च ७७०६ नम्बरको एम्बुलेन्स गएराती दुर्घटना भएको हाे ।
दुर्घटनामा परी याङवरक गाँउपालिका २ की ५० बर्षीया ममता राईको मृत्यु भएको छ । दुर्घटनामा घाईते भएकी ममताको पाँचथर अस्पतालमा उपचार गर्ने क्रममा निधन भएको पाँचथर प्रहरी प्रमुख डीएसपी दानबाहादुर थापाले जानकारी दिए ।
त्यस्तै गरी याङवरक २ का १९ बर्षीय हेमन सुब्बा र ताप्लेजुङको सिदिङवा गाँउपालिका ३ का ५५ बर्षीय डोडकुमार राई घाइते भएका छन् । घाइते दुइजनाको पाँचथर अस्पतालमा उपचार भईरहेको छ । एम्बुलेन्स चालक हिलिहाङ गाँउपालिका २ सिंहपुरका २८ बर्षीय बिरेन्द्र धिताललाई प्रहरीले नियन्त्रणमा लिएर अनुसन्धान गरिएको छ ।
#दुर्घटना#पाँचथर#एम्बुलेन्स
