फिदिम । पाँचथरको फिदिम नगरपालिका ६ को वडाध्यक्षमा स्वतन्त्र उम्मेद्वार बिपन तुम्रोक बिजयी भएका छन् । फिदिम नगरपालिका वाड नम्बर ६ को मतगणना हुन थाले सङै वाडाध्यक्षका स्वतन्त्र उम्मेद्बारी दिएका बिपन एकाएक चर्चामा आएका थिए।
२४ बर्षिय बिपन तुम्रोकले आफ्ना निकटतम प्रतिद्वन्दीहरुलाइ दोब्बर मतले शुरुदेखी नै अग्रता लिइरहेका थिए । फिदिम नगरपालिकाको दोस्रो ठूलो मतदाता रहेको यो वाडमा स्वतन्त्र उम्मेद्बारी दिएका बिपनले विजयी हासिल गरेका छन् ।
बिपन तुम्रोकले ८ सय ८४ मत प्राप्त गरेर विजयी हासिल गरेका छन् भने उनका निकटतम प्रतिद्वन्दी नेपाली काङ्ग्रेसका डिकबिर सारी मगरले ४ सय २ मत र नेकपा एमालेका धनबहादुर सारुले २ सय ८६ मत प्राप्त गरेका छन् । यो वाडलाई नेपालि कांग्रेसको गडको रुपमा हेरिन्थ्यो ।
