नेकपा (एकीकृत समाजवादी)का सम्मानित नेता झलनाथ खनालले शुक्रबार हुने ६ दल र २ मोर्चाको विरोध सभालाई सम्बोधन नगर्ने भएका छन् । अमेरिकी सहयोग परियोजना एमसीसी संसदबाट पास भएपछि त्यसको विरोध गर्दै आएका नेता खनालले विरोध सभालाई सम्बोधन गर्ने बताइएको थियो ।
तर, खनालको सचिवालयले विरोध सभालाई सम्बोधन गर्ने भनी सञ्चार माध्यममा आएका समाचारप्रति आफ्नो ध्यानाकर्षण भएका जनाएको छ । एमसीसीको विरोध गर्दै आएका खनालसँग नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ले पनि भेट गरेका थिए । विप्लव माओवादी लगाएतका साना दल र मोर्चाले शुक्रबार एमसीसीको विरोधमा विशाल प्रदर्शन गर्ने भएको छ ।
