फिदिम । तगातार परिरहेको वर्षाको कारण पहिरो झर्दा मेची राजमार्गको फिदिम-काबेली खण्ड अवरुद्ध बनेको छ ।
सोमबार राति झरेको परिहरोको करण करीब ३० मिटर माथिबाट ढुङ्गा झर्दा मेची राजमार्गअन्तर्गत हिलिहाङ गाउँपालिका-२ अमरपुरमा स डकमा झरेपछि सडक अवरुद्ध बनेको जिल्ला प्रहरी कार्यालय पाँचथरले जनाएको छ । सडक अवरुद्ध बनेपछि ताप्लेजुङबाट फिदिम हुँदै तराईसम्म झर्ने तथा फिदिमसहित विभिन्न स्थानबाट ताप्लेजुङतर्फ जाने सवारीका साधन बाटोमै रोखिएका छन् ।
सडक सुचारु गर्न पहिरो पन्छाउने कार्य सुरु भएको जिल्ला प्रहरी कार्यालय पाँचथरले जनाएको छ । पहिरोले अन्य क्षति नगरेपनि सडक पूर्ण रुपले अवरुद्ध बनाएको स्थानीयवासीले जनाएका छन् ।
