झापा । भारतबाट नेपालतर्फ प्रतिबन्धित लागूऔषध ब्राउनसुगर भित्र्याउँदै गर्दा भारतीय दुई दाजुभाइ पक्राउ परेका छन् । पक्राउ पर्नेहरुमा भारत इस्ट सिक्किम ७३७१३४ बस्ने ३० वर्षीय मेगविर लिम्बू र उनका भाइ २३ वर्षीय बुद्धविर लिम्बू रहेको प्रहरीले जनाएको छ ।
हिजो दिउँसो ४ः३० बजे मेचीनगर नगरपालिका ६ काँकरभिट्टास्थित पुरानो मेची पुलमा इलाका प्रहरी कार्यालय काँकरभिट्टा र लागूऔषध नियन्त्रण ब्युरो काँकरभिट्टाबाट खटिएको संयुक्त प्रहरी टोलीले उनीहरुलाई शंका लागेर चेकजाँच गर्दा ७ ग्राम ब्राउनसुगर फेला परेको थियो ।
दुवैलाई नियन्त्रणमा लिई इलाका प्रहरी कार्यालय काँकरभिट्टामा राखी थप अनुसन्धान भइरहेको जिल्ला प्रहरी कार्यालय झापाले जनाएको छ ।
