पाँचथर । फालेलुङ गाउँपालिक वडा नम्बर ७ काे पहिरोमा परी शुक्रबार रातिदेखि बेपता भएका ३८ वर्षिय गोमा मगर र १९ वषीए एलिसा मगरलाई अझै भेट्न नसकिएको जिल्ला प्रहरी कर्यालय पाँचथरले जनाएको छ । उनिहरुको खोजि कार्य निरन्तर भइरहेको जिल्ला प्रहरी कार्यालय पाँचथरका प्रमुख डिएसपि राकेश थापाले जानकारी दिए ।
बेपत्ता मध्येका ४२ वर्षिय रुपलाल मगरलाइ शनिबार बिहान ८ः१५ बजे पुरिएको अवस्था मृत भेटिएकाे थियाे । बाँकी दुई जनाको अवस्था अझै अज्ञात रहेको छ । शनिबार दिउसो पानी परेकाले खोजि कार्य प्रभावित भए पनि खोजी कार्य निरन्तर रहेको डिएसपि राकेश थापाले केन्जो खबरलाई बताए ।
शुक्रबार राति साढे १० बजे स्थानीय ७१ वर्षिय दल प्रसाद मगरको घर पहिरोले बगाएको थियो । मगरलाई तत्काल प्रहरीले सकुशल उद्धार गरेको गरेको थियो । बेपत्ताहरुको खोजी स्थानियहरुको सहयोगमा नेपाल प्रहरी, सशस्त्र प्रहरी बल र नेपाली सेनाले गरिरहेको जिल्ला प्रहरी कार्यालय पाँचथरले जानकारी दिएको छ ।
