पाँचथर । मिक्लाजुङको केन्द्र रबि बजारबाट दमक तर्फ जार्दै गरेको बुरेलो दुर्घटना हुँदा ३ जनाको मुत्यु भएको छ ।
आइतबार दिउसाे ईलामको माङसेबुङ गाँउपालिका २ दहगाँउ स्थित भित्री सडक खण्डमा बुलेरो दुर्घटना भएको प्रहरीले जनाएको छ । मृत्यु हुनेमा पाँचथर मिक्लाजुङ गाँउपालिका ५ का ६५ बर्षीय हिम प्रसाद लावती, ६० बर्षीया पदम कुमारी लावती र ईलाम माङसेबुङ गाँउपालिका ६ का ५० बर्षीय प्रकाश राई रहेका छन् ।
आइतबार दिउसो १२ बजे पाँचथरको रबिबाट झापाको दमक तर्फ जादै गरेको मे १ ज ४८७ नं. को बोलेरो गाडी सडकबाट २०० मिटर तल झरी दुर्घटना भएको एक नम्बर प्रदेश प्रहरी कार्यालय विराटनगरले जानकारी दिएको छ । दुर्घटनामा परी हिम प्रसाद र प्रकाशकाे घटनास्थलमानै मृत्यु भएको थियो भने पदम कुमारीको उपचारको लागी दमक अस्पताल लादै गर्दा बाटैमा मृत्यु भएको प्रहरीले जानकारी दिएकाे छ ।
बोलेरो चालक फरार रहेकाले खोजी भइरहेको बताइएकाे छ । घटनाबारे थप अनुसन्धान भईरहेको प्रहरीले जनाएको छ ।
